Lajme

Seanca e Kuvendit nis me ngushëllime për vdekjen e babait të ish-kryeparlamentarit Kadri Veseli

Kuvendi i Kosovës

Pak para nisjes së seancës plenare, Kuvendi i Kosovës ka shprehur ngushëllime për vdekjen e babait të ish-kryeparlamentarit Kadri Veseli, i cili ndodhet në paraburgim në Hagë, njofton Shqip.com.

Në emër të Kuvendit, kryetari Glauk Konjufca ka ngushëlluar familjen Veseli për humbjen e tyre.

“Në emër të Kuvendit të Kosovës, e shfrytëzoj rastin të shprehi ngushëllime ish-kryetarit të Kuvendit të Kosovës, Kadri Veseli, për vdekjen e babait të tij”, ka thënë Konjufca.

Nga Grupi Parlamentar i Partisë Demokratike të Kosovës – kryetar i së cilës ishte vetë Veseli para se të dërgohej në Hagë – ka folur shefi i GP të kësaj partie, Abelard Tahiri.

“Fazli Veseli dhe familja e tij ishin të përndjekur nga regjimi i Millosheviqit, fatkeqësisht ai ndërroi jetë e që nuk e pati afër djalin e tij Kadriun, sepse po përballet me akuzat për krime lufte në Hagë. Shfrytëzoj rastin që të shpreh ngushëllimet e mia për z.Veselin dhe familjen e tyre për humbjen e babait”, ka thënë ai.

Gjatë mëngjesit të së mërkurës ka vdekur babai i Kadri Veselit.

Ndryshe, në maj të këtij viti, Veseli ishte liruar për vizitë tri-ditore nga Haga, për ta vizituar babain e tij, i cili ndodhej në spital në gjendje të rëndë shëndetësore. /Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.60
  • Benzine: 1.33
  • Gas: 0.75
Sot : 27/09/2022