Scholz: Shqipëria dhe Maqedonia e Veriut t’u bashkohen BE-së, kanë 20 vite që presin

Kancelari gjerman Olaf Scholz tha se Shqipëria dhe Maqedonia e Veriut e meritojnë të jenë në Bashkim Evropian pasi kanë 20 vite që presin.

Nga samiti i BE-së, ai ka thënë se duhet të kenë një mundësi reale për t’u bashkuar me Bashkimin Evropian pasi kanë punuar për të përmbushur kushtet për hyrjen në bllok.

“Qytetarët në Ballkanin Perëndimor kanë pritur për gati 20 vjet mundësinë për t’u bërë anëtarë të Bashkimit Evropian,” u tha Scholz gazetarëve përpara një takimi të liderëve të BE-së dhe Ballkanit Perëndimor.

“Është shumë e rëndësishme që ky të bëhet një premtim i besueshëm sepse përpjekjet e shumta që këto vende kanë ndërmarrë duhet në fund të çojnë në pranimin e tyre”, tha ai.

Në Bruksel është duke u mbajtur samiti i Bashkimi Evropian dhe përfaqësuesve të Ballkanit Perëndimor.

E pranishme është edhe presidentja e Kosovës, Vjosa Osmani.

Ajo, para nisjes së samitit tha se Kosova i ka mbushur kriteret për liberalizim të vizave.

E para e shtetit tha se ky proces nuk është më në duart e Kosovës, ndërsa pret që shtetet anëtare të BE-së ta mbështesin këtë proces./Shqip.com