Saliba ka besimin e plotë të Artetas

Qendërmbrojtësi duket se do të jetë në ngjyrat e “Gunners” nga sezoni i ardhshëm.

William Saliba është rrugës për në “Emirates”.

Këtë gjë mund ta ndalojë vetëm një ofertë ‘e çmendur’ për të, sipas Fabrizio Romano.

William Saliba situation. Rumours on loan move are wide of mark, Arsenal board and Mikel Arteta both count on Saliba as part of the team for next season. ⚪️🔴 #AFC

Been told situation could only change in case of crazy bid. Arsenal trust him – keen on discussing a new contract. pic.twitter.com/HdelHSWimu

— Fabrizio Romano (@FabrizioRomano) June 27, 2022

Thashethemet për një huazim diku tjetër janë jashtë planeve, pasi Mikel Arteta dhe bordi i Arsenal llogarisin në të për sfidën e edicionit të ri.

Madje, bordi i lindinezëve janë të etur për t’i ofruar atij kontratë të re, me aktualen që i skadon në qershorin e vitit 2024.

Në një marrëveshje potenciale, 21-vjeçari do të fitojë pagë më të madhe se nga ç’fiton tani.

Përndryshe, Arsenal siguroi shërbimet e lojtarit në vitit 2019, por vendosi që ta huazonte atë përsëri në Saint-Etienne, më pas në OGC Nice dhe së fundmi në Marseille.

Ishte pikërisht terreni i “Orange Velodrome” aty ku francezi fitoi besimin e të qenurit titullar i padiskutueshëm, fakt të cilin e dëshmojnë edhe 36 paraqitjet e tij në sezonin paraprak të Ligue 1.

Saliba, si një mbrojtës fizik dhe i mirë në duele dhe ajër, fitoi edhe besimin e trajnerit të kombëtares së Francës, Didier Deschamps, ku bëri pesë ndeshje. /Shqip.com