Lajme

Rukiqi: Kjo qeveri është amatore

Berat Rukiqi nga Lidhja Demokratike e Kosovës, vlerëson se lëvizja e fundit lidhur me mjetet vetanake të komunave përbën një tentativë të radhës të qeverisë për ta shkelur Kushtetutën.

“Sikur kjo qeveri e ka të pamundur që të mos bëjë shkelje të ligjeve dhe të Kushtetutës. Është një veprim arbitrar i Ministrisë së Financave. Është një veprim që po e bën me ose pa dashje por që shkon kundër zhvillimit të komunave”, është shprehur Rukiqi.

Ai ka theksuar se menaxhimi me mjete vetanake u përket vetë komunave.

“Qeverisja e komunave, menaxhimi i mjeteve vetanake, është kompetencë ekskluzive e komunave. Ato mund të vendosin si të destinohen ato mjete. Akolimi, si të përdoren mjetet është kompetencë e komunave sipas Ligjit për Vetëqeverisje Lokale dhe Ligjit për Menaxhimin e Financave Publike”, tha Rukiqi në Klan Kosova.

Nëse Ministria e Financave nuk do të tërhiqet, Rukiqi, ka theksuar se edhe ky vendim do të shkojë për konsultim në Gjykatën Kushtetuese.

/Shqip.com