Rrahmani në formacionin e javës – në Serie A

Fillimi ishte i vështirë për të.

Shumicën e ndeshjeve i shikonte nga stoli.

Por, gjërat kanë ndryshuar pozitivisht për Amir Rrahmanin.

Qendërmbrojtësi shqiptar është pjesë e formacionit të javës së 23 në Serie A – pasi zhvilloi një ndeshje fenomenale kundër Salernitana.

Kjo është hera e dytë – që Rrahmani e gjen vetën në mesin e më të mirëve në elitën e futbollit italian.

Përveç sigurisë së lartë në qendër të mbrojtjes, ai gjithashtu arriti që të tundë rrjetën.

Teksa, e mori notën 8.1 nga “SofaScore”. Nota më e lartë në atë takim.

Për kapitenin e Përfaqsueses së Kosovës ky gol ishte dhe një dëshmi e formës së lartë nëpër të cilën është duke kaluar në këtë kampionat.

Së bashku me Koulibalyn të pazëvendësueshëm si tandem – përjashtuar rastet e lëndimeve.

Amiri ka zhvilluar plot 26 ndeshje deri më tani – në të gjitha kompeticionet, teksa është autor i tre golave.

Tashmë vlera e tij – në tregun e trnasferimeve është astronomike.

Plot 22 milionë vlen kartoni i 26 vjeçarit që dikur mbronte ngjyrat e Drenicës. /Shqip.com