Röhde: Përkrahje e plotë nga Gjermania për ambiciet evropiane të Kosovës

Ambasadori i Gjermanisë në Kosovë, Joachim Röhde, e ka pritur me pozitivitet miratimin e raportit të vitit 2022, të Komisionit Evropian për Kosovën.

“Përkrahje të plotë gjermane për ambiciet evropiane të Kosovës”, ka shkruar Rohde në Twitter pasi e ka shpërndarë postimin e raportueses për Kosovën në PE, Viola Von Crammonit.

“Siç është nënvizuar sërish nga kancelari Scholz në fjalimin e tij para parlamentit evropian. Të gjitha shtetet duhet të bëhen pjesë e familjes së Bashkimit Evropian”, ka shkruar Röhde në Twitter.

Kujtojmë se, sot Parlamenti Evropian e ka miratuar raportin e vitit 2022, të Komisionit Evropian për Kosovën.

Në të njëjtin raport mirëpritet aplikimi i Kosovës për anëtarësim në Bashkimin Evropian.

Raporti rëndit po ashtu thirrjen e shteteve anëtare të BE-së që s’e kanë njohur ende Kosovën, që ta bëjnë këtë pa vonesë të mëtejshme dhe ta hapin rrugën e Kosovës në integrimin evropian.

Full German support for Kosovo’s European ambitions. As again underlined by Chancellor Scholz in his speech before the EP- All WEB countries need to become part of the EU- family! https://t.co/FqSvfNgZYN

— Ambassador Jörn Rohde (@GermanAmbKOS) May 10, 2023