Rita Orën nuk e ndalon shiu të shfaqet atraktive teksa merr vëmendje me veshjen elegante rrugëve të Londrës

Ajo së fundmi kurorëzoi dashurinë me regjisorin Taika Waititi.

Megjithatë, Rita Ora u pa e vetme teksa doli në Londër të enjten (25 gusht) për një ditë takimesh biznesi.

Pavarësisht stuhive në kryeqytet, këngëtarja 31-vjeçare nuk e la shiun të ndikonte në paradën e saj të modës, pasi ajo dukej aq elegante si kurrë më parë.

Duke zgjedhur një dukje tërësisht të zezë, krijuesja e hitit “Hot Right Now” veshi një fustan të zi dhe të shkurtër.

Ajo përshtati dukjen me geta të zeza të tejdukshme, syze dielli, një palë çizme deri në gju teksa mbante një çantë dore “Chanel”, shkruan DailyMail.

Dalja vjen pasi u zbulua se Rita u martua fshehurazi me Taika në fillim të këtij muaji – këngëtarja thuhet se tashmë ka ndryshuar mbiemrin dhe do të njihet si Zonja Waititi-Ora.

Artistja e njohur dhe regjisori i “Thor: Love And Thunder”, 46 vjeç, janë fotografuar të dy me unaza ari në gishtat e unazës ditët e fundit.

Rita dhe Taika filluan të takoheshin në mars 2021, përpara se të dilnin publike me romancën e tyre atë gusht.

Çifti u fejua dy muaj më parë dhe tani burimet pohojnë se ata po planifikojnë një festë të madhe për të festuar martesën e tyre sekrete me miqtë dhe familjen.

Taika ishte martuar më parë me producentin Chelsea Winstanley, por dyshja besohet se janë ndarë në heshtje në vitin 2018.

Dyshja ndanë dy vajza: Te Hināhu, dhjetë, dhe Matewa Kiritapu, gjashtë.

Ndërkohë, Rita ka shijuar romanca të profilit të lartë me njerëz si Calvin Harris dhe Rob Kardashian./Shqip.com