Reagon Rusia: Defender 2024 shënon “kthimin e pakthyeshëm” të aleancës në planet e Luftës së Ftohtë

Anija sulmuese amfibe Gunston Hall u largua nga një port kanadez të mërkurën, duke shënuar fillimin e stërvitjes më të madhe të NATO-s që nga Lufta e Ftohtë.

Rreth 90,000 trupa të NATO-s janë planifikuar t’i bashkohen stërvitjeve Steadfast Defender 2024 që do të zgjasë deri në maj.

Më shumë se 50 anije nga aeroplanmbajtëse deri tek shkatërruesit, më shumë se 80 avionë luftarakë, helikopterë dhe dronë dhe të paktën 1100 automjete luftarake, duke përfshirë 133 tanke dhe 533 automjete luftarake, do të marrin pjesë në stërvitje, shkruan Reuters.

Stërvitjet do të përmirësojnë ekzekutimin e planeve të saj rajonale nga NATO, planet e para të mbrojtjes që aleanca ka hartuar në dekada, duke detajuar se si do t’i përgjigjet një sulmi.

NATO nuk e përmendi Rusinë në deklaratën e saj, por dokumenti i saj kryesor strategjik e identifikon Rusinë si kërcënimin më të rëndësishëm dhe të drejtpërdrejtë për sigurinë e anëtarëve të NATO-s.

Stërvitja po zhvillohet në një moment të rëndësishëm, veçanërisht pas fillimit të pushtimit rus të Ukrainës.

“NATO filloi sot stërvitjen e saj më të madhe ushtarake që nga viti 1988 me 90,000 njerëz që marrin pjesë në stërvitje në të gjithë Atlantikun e Veriut dhe Evropë”, tha Matthias Eichenlaub, një zëdhënës i NATO-s, në Twitter.

Një reagim ka pasur edhe nga Rusia.

Zëvendësministri i Punëve të Jashtme Aleksandar Grushko tha për median ruse RIA Novosti se shkalla e stërvitjes së NATO-s “Mbrojtës i patundur 2024” shënon “kthimin e pakthyeshëm” të aleancës në planet e Luftës së Ftohtë.