Rashiq, “viktima” e parë e sanksioneve të BE-së ndaj Kosovës

Ministri për komunitete dhe kthim në qeverinë e Kosovës, Nenad Rashiq, ka thënë se është viktima e parë e sanksioneve të Bashkimit Evropian ndaj Kosovës, pasi që i janë anuluar disa takime në Bruksel.

Për këtë ka njoftuar në Twitter, Gerald Knaus, i cili ka treguar se Rashiq pati takime më 19 qershor për të diskutuar për mbështetjen ndaj pakicës serbe.

Por takimet i janë anuluar, pikërisht shkak i sanksioneve të BE-së ndaj Kosovës, ku përfshihet edhe mos-pjesëmarrja e zyrtarëve kosovarë në takime.

”Absurditet Sanksionet e BE-së kundër Kosovës. Viktima e parë: Ministri serb Nenad Rashiq, i cili pati takime në Bruksel më 19 qershor për të diskutuar mbështetjen për pakicën serbe me zyrtarët e BE-së“, ka shkruar ai.

Absurdity

EU sanctions against Kosovo.

First victim: 🇽🇰 Serb minister Nenad Rasic, who had meetings in Brussels on 19 June to discuss support for Serb minority with EU officials.

Meetings were then cancelled by EU!?@ExtSpoxEU @MiRo_SPD @ToniHofreiter ⁦@aliciakearns⁩ pic.twitter.com/wtpGF8gdLA

— Gerald Knaus (@rumeliobserver) August 14, 2023

Në këtë video, Rashiq tregon për mënyrën sesi i janë anuluar takimet, duke thënë se është viktima e parë

”Emri im është Nenad Rashiq, jam ministër për komunitete dhe kthim komuniteteve më Qeverinë e Kosovës. Unë jam viktima e parë e sanksioneve të BE-së. Ne kishim për të diskutuar për mbështetjen e minoriteve të serbeve”, ka thënë ndër tjerash Rashiq.

Bashkimi Evropian kishte vendosur masa ndëshkuese ndaj Kosovës për shkak të situatës në Veriun e Kosovës.