Range Rover i ri me shumë ndryshime dhe vetëm me motor hibrid

Nga viti i ardhshëm Range Rover do të jetë i disponueshëm vetëm me sisteme motorike hibride të përmirësuara dhe një opsion të ri V8.

Një motor elektrik i ri me 215 kuaj fuqi e rrit P440e me 434 kuaj fuqi në 454 kuaj fuqi, ndërsa P510e me 503 kuaj fuqi është rritur në 542 kuaj fuqi.

Motori P550e mund të arrij shpejtësinë 0-60 mph në 4,8 sekonda nga 5,2 sekonda sa është në motorin P510e.

Opsioni i ri V8, 4.4 litra me distinktiv P615 prodhon 607 kuaj fuqi dhe 553 lb ft, falë turbombushësve të dyfishtë dhe ndihmës elektrike, që do të thotë se emetimet e tij dhe efikasiteti i karburantit janë pothuajse identikë me ato të V8, 4.4 litra me 523 kuaj fuqi.

Versionit më të vogël, me motorin e quajtur P530, i është dhënë gjithashtu trajtimi hibrid i butë, duke rritur efikasitetin e karburantit nga 24.3 mpg në 25.0 mpg.

Range Rover MY2024 vjen me sistemin info-argëtues të përditësuar të JLR-së me ekranin me prekje prej 13.1 inç Pivi Pro, i cili pretendohet se kryen 80% të funksioneve brenda dy prekjeve nga ekrani bazë.

Është shtuar një sistem i ri Country Road Assist për të lejuar përdorimin e kontrollit adaptiv të lundrimit në rrugët me kthesa, duke rregulluar automatikisht shpejtësinë e synuar për kthesat dhe ndryshimet në kufi.

Aftësi të ngjashme i janë shtuar sistemit jashtë rrugës Terrain Response, duke i lejuar drejtuesit të zgjedhin një nga katër shpejtësitë e automjeteve kur puna bëhet e vështirë.