Rama takohet me përfaqësues të FMN-së, diskutohet për shkolla e lagje

Kryetari i komunës së Prishtinës, Përparim Rama, është takuar me përfaqësues të Fondit Monetar Ndërkombëtar.

Ai ka thënë se në këtë takim kanë diskutuar për disa projekte, ndër to për shkolla, lagje dhe blerje autobusësh.

“Bashkë me Nënkryetarin Alban Zogaj dhe anëtarë të kabinetit tim, takuam përfaqësues të Fondit Monetar Ndërkombëtar (FMN), të cilët po kryejnë Vlerësimin e Menaxhimit të Investimeve Publike në Kosovë”, ka shkruar Rama në Facebook.

Rama po ashtu tregoi që u fol edhe për rritjen e bashkëpunimit midis qeverisë lokale dhe asaj qendrore.

“Ndër të tjera, diskutuam edhe rreth nivelit të bashkëpunimit të institucioneve të Kryeqytetit me Qeverinë e Republikës së Kosovës”, ka shkruar Rama.