Qytetarët në Prizren, Pejë dhe Gjakovë kanë mbetur pa internet
Shqip
Një pjesë e qytetarëve në tri komunat e Kosovës kanë mbetur pa internet.
Kompania IPKO ka konfirmuar për Shqip.com se klientët e tyre në Gjakovë, Pejë dhe Prizren kanë mbetur pa internet shkaku i një problemi të përgjithshëm.
Njëra nga operatoret e kësaj kompanie ka deklaruar se ekipet e tyre janë duke punuar në terren për rregullimin e shërbimit të internetit.
Ka deklaruar se nuk ka informacione për rikthimin e shërbimit.
“Kemi një problem të përgjithshëm është në Prizren, Pejë dhe Gjakovë. Për momentin nuk kemi informacione të sakta mirëpo ekipet tona janë duke punuar për rregullimin e problemit”, ka thënë njëra nga operatoret e kësaj kompanie.
Gazeta ka nisur edhe një email në adresë të kompanisë nëse ata do të kompensojnë qytetarët për orët e humbura. /Shqip.com
