Qytetarët e Ballkanit Perëndimor do lëvizin vetëm me kartën e ID në Shqipëri

Shtetasit e Ballkanit Perëndimor mund të hyjnë në Shqipëri vetëm me kartën e ID.

Kështu ka bërë të ditur, Ministri i Brendshëm, Bledi Çuçi.

“Janë marrë dy vendime, për rritjen e sigurisë në rajon dhe krijimin e lehtësirave të lëvizjes në Ballkanin Perëndimor. Me hyrjen në fuqi të vendimit, të gjithë shtetasit e Ballkanit Perëndimor mund të vijnë në Shqipëri vetëm me dokumentin e identitetit. Kjo është në frymën e nismës së Berlinit dhe Ballkanit të Hapur”, ka thënë Çuçi.

Më tutje, Çuçi ka thënë se sa I përket sigurisë, ka të bëjë me marrëveshjen e nënshkruar me Maqedoninë e Veriut të task forcave.

Sipas Çuçit kjo e bashkon edhe më shumë Shqipërinë dhe Maqedoninë e Veriut, rapoton Top Chanel.