Qeveria mban mbledhje elektronike miraton tri nisma për transport

Qeveria e Republikës së Kosovës ka mbajtur mbledhje elektronike.

Në këtë mbledhje, janë miratuar tre nisma për lidhjen e marrëveshjes për transport.

Këto tri nisma sipas njoftimit kanë të bëjnë me transportin në përgjithësi, si atë të mallrave, të udhëtarëve dhe shërbime ajrore mes Kosovës dhe Austrisë, dhe Malit të Zi.

Nismat të cilat janë miratuar:

– Nismën për lidhjen e Marrëveshjes për ndryshimin dhe plotësimin e Marrëveshjes për Transportin Ndërkombëtar Rrugor të Mallrave dhe në Transportin e Kombinuar ndërmjet Qeverisë së Republikës së Kosovës dhe Qeverisë së Republikës së Austrisë.

  – Nismën për lidhjen e Marrëveshjes për ndryshimin dhe plotësimin e Marrëveshjes për Transportin Ndërkombëtar Rrugor të Udhëtarëve si shërbim i rregullt dhe jo i rregullt ndërmjet Qeverisë së Republikës së Kosovës dhe Qeverisë së Republikës së Austrisë.

–  Nismën për lidhjen e Marrëveshjes për Shërbime Ajrore ndërmjet Qeverisë së Republikës së Kosovës dhe Qeverisë së Malit të Zi.