“Qeveria Kurti është zhytur në korrupsion”

 Pos si “qeveri e zhytur në korrupsion”, kryetari i Aleancës për Ardhmërinë e Kosovës, Ramush Haradinaj e ka akuzuar Qeverinë Kurti edhe për “majtizëm ekstrem”.

Përmes një postimi në Facebook – Haradinaj ka përmendur 12 pika përmes të cilave “Kosova është duke ngecur”.

“Pra mund të themi që majtizmi ekstrem po e dërgon Kurtin dhe Vetëvendosjen drejt luftës së klasave dhe në luftë kundër aleatëve, që nënkupton po ia vështirëson Kosovës mundësinë e ecjes përpara”, beson Haradinaj.

Madje, e ka akuzuar Lëvizjen Vetëvendosje edhe për qasjen ndaj Ushtrisë Çlirimtare të Kosovës.

“Lufta kundër UÇK-së, e zhvilluar si luftë ndaj pushtetit të keq të dy dekadave, e që si pasojë ka zbehjen e patriotizmit dhe të ndjenjave atdhetare për shtet”.

Ka përmendur edhe mos-miratimin e Ligjit për Pagat.

Si dhe shtoi se “ofendimet e militantëve e tregojnë fytyrën e vërtetë të Lëvizjes Vetëvendosje”. /SHQIP.COM