Publikohen pamjet e Maradonës në shtrat me 16-vjeçaren që e akuzon atë se e mbylli në hotel dhe e drogoi me kokainë

Tashmë janë publikuar pamjet e Diego Maradonës në një shtrat me një vajzë 16-vjeçare e cila ka kohë që e ka akuzuar legjendën e futbollit se e ka mbyllur atë në një hotel, e ka droguar me kokainën dhe e ngacmoi duke e prekur te gjoksi i saj.

Mavys Alvarez, nga Kuba, shihet e pakëndshme në videot intime që janë realizuar në vitin 2000 në fillim të lidhjes së tyre të supozuar trevjeçare, shkruan DailyMail.

Maradona, i cili vdiq në moshën 60 vjeçare vitin e kaluar, mbajti kamerën në duar ndërsa dyshja ishte shtrirë në shtrat dhe në sfond dëgjoheshin komentatorët e futbollit.

Videot e tjera, të marra nga gazeta spanjolle “Infobae”, tregojnë bashkëpunëtorët e Maradonës në dhomë.

Akuzat kanë nxitur një rast trafikimi njerëzor kundër ikonës së ndjerë.

Alvarez, tani 37 vjeçe, kohët e fundit theu heshtjen e saj duke treguar se si adoleshente fluturoi për në Argjentinë nga Kuba pa lejen e prindërve të saj kur ishte vetëm 16 vjeçe. Maradona ishte 40 vjeç.

Ylli ishte në Kubë për një program rehabilitimi të drogës dhe dyshohet se u takua me adoleshenten në një vendpushim hoteli në Varadero pasi një nga bashkëpunëtorët e tij e bindi atë që të bashkohej me të.

Ajo tha: “Ai kaloi më shumë se një orë duke më bindur se ishte e rëndësishme të ndihmoja Diegon, se ai ishte një figurë me famë botërore, një mik i Kubës, dhe ai ishte në depresion”.

Maradona më pas e transferoi atë në një apartament në Havana para se ta prezantonte me drogë, ahengje dhe madje edhe udhëheqësin kuban, Fidel Castro, i cili e quajti atë një vajzë të bukur.

Pretendimet kanë çuar në ngritjen e një ankese në Prokurorinë për Trafikimin dhe Shfrytëzimin e Personave në Argjentinë.

Gjykatësi federal ,Julian Ercolini do të hetojë nëse bashkëpunëtorët e Maradonës e trafikuan vajzën pa pëlqimin e prindërve.

Ajo gjithashtu ka bërë thirrje që zyrtarët e imigracionit të përballen me hetimin pasi ata e lejuan atë të hyjë në Argjentinë.

Ajo tha se ajo u dërgua në Buenos Aires në vitin 2001 dhe u mbajt në një hotel për tre muaj dhe “u bë presion” për të bërë zmadhim të gjirit.

“Nuk më lejohej të dilja vetëm… gjithmonë duke pasur njerëz përgjegjës për qëndrimin tim atje. Gjatë gjithë qëndrimit tim në [Argjentinë]”, tha ajo në një paraqitje të fundit gjyqësore.

Viktima e pretenduar i tha stacionit televiziv America TeVe: “Diego më prezantoi me drogën kur isha ende 16 vjeçe”.

“Ishte gabimi më i madh i jetës sime”, shtoi ajo.

Maradona vdiq pas një sulmi në zemër pas një operacioni në tru./SHQIP.com