PSG zyrtarizon trajnerin e ri

Paris Saint-Germain ka njoftuar emërimin e Luis Enrique trajner të ekipit të parë, me spanjollin që ka nënshkruar një kontratë dyvjeçare.

Luis Enrique si futbollist ka bërë karrierë në klube si Sporting de Gijon (1989-1992), Real Madrid (1992-1996) dhe FC Barcelona (1996-2004).

Katër vjet pas tërheqjes së tij nga sporti, ai mori rolin e trajnerit, fillimisht me ekipin B të FC Barcelona (2008-2011), më pas te AS Roma (2011-2012), eksperienca e tij e parë në një kampionat kryesore.

Ai e drejtoi edhe Celta Vigon (2013-2014), para se të marrë drejtimin e Barcelonës në vitin 2014 ku fitoi edhe titujt e tij të parë atje. Gjatë sezonit 2014/2015, ai arriti të fitojë tre trofetë kryesorë: Ligën së Kampionëve, La Liga dhe Kupa e Spanjës.

Ai e drejtoi edhe Spanjën nga korriku 2018 deri në qershor 2019, më pas nga nëntori 2019 deri në dhjetor 2022. Me La Roja, ai arriti në gjysmëfinalen e Euro 2020 dhe në finalen e Ligës së Kombeve (2021).

“Jam i lumtur që mbërrita në Paris për të jetuar një përvojë të re. Është shumë emocionuese të njohësh njerëz të rinj, të jetosh në këtë qytet, të mësosh një gjuhë të re dhe mbi të gjitha të stërvitesh PSG-në”, deklaroi Luis Enrique si trajner i PSG-së.