PSG mposhtë Marseillen në derbin francez
Publikuar:
(26.02.2023 22:36:36)
Skuadra e PSG-së ka mposhtur Marseillen në derbin francez me rezultat 3:0.
Serinë e golave për PSG-në e hapi Mbappe pas një asistimi të Messit në minutën e 25-të të takimit.
Vetëm katër minuta më vonë pikërisht Mbappe asistoi për Messin që dyfishoi epërsinë në 2:0.
Me këtë rezultat mbaroi edhe pjesa e parë e takimit.
Me kaq nuk përfundoi bashkëpunimi midis dyshes Mbappe-Messi. Kur po zhvillohej minuta e 55-të, Mbappe shënoi përsëri pas një asistimi nga Messi.
Me këtë fitore PSG-ja vazhdon kryesimin në tabelë me 60 pikë ndërsa Marseille gjendet në një pozitë më poshtë me 52 pikë të grumbulluara.
/Shqip.com
