Pse është Sri Lanka në një krizë ekonomike?
Shqip
Sulmi në rezidencën zyrtare të presidentit të Sri Lankës sot vjen pas muajsh protestash, pasi vendi fjalë për fjalë mbeti pa valutë të huaj.
Kjo do të thoshte se gjërat bazë, duke përfshirë karburantin, ushqimin dhe ilaçet, kanë qenë gjithnjë e më të pakta, shkruan BBC.
Kjo bëri që qeveria e Sri Lankës të pezullojë shitjet e karburantit për njerëzit e zakonshëm deri të dielën. Mendohet të jetë vendi i parë që e bën këtë që nga vitet 1970 .
Fundjavën e kaluar, zyrtarët thanë se i kishte mbetur karburant me vlerë më pak se një javë për shërbimet thelbësore si autobusët, trenat dhe automjetet mjekësore.
Shkollat janë mbyllur dhe 22 milionë banorëve të vendit u është kërkuar të punojnë nga shtëpia.
Mungesa e ushqimit dhe karburantit ka bërë që çmimet të rriten. Inflacioni tani po shkon në 30%.
Ka pasur ndërprerje të energjisë elektrike dhe mungesa e barnave e ka sjellë sistemin shëndetësor në prag të kolapsit .
