Protestat masive në Francë kërkojnë që qeveria të heqë ndryshimet e pensioneve

Emmanuel Macron ndjeu fuqinë e plotë të zemërimit francez të enjten ndërsa protestuesit u mblodhën në të gjithë vendin për të demonstruar kundërshtimin e tyre ndaj rritjes së moshës së pensionit nga 62 në 64 vjeç.

Qindra mijëra njerëz morën pjesë në marshime kryesisht paqësore në Paris dhe qytete të tjera franceze për të kërkuar që qeveria të heqë ndryshimin e kontestuar ashpër.

Turma ishte e dendur dhe e zemëruar me qeverinë dhe presidentin, por disponimi ishte gjithashtu festiv dhe i motivuar nga një shfaqje solidariteti.

Sindikata e dytë më e madhe e vendit, Konfederata e Përgjithshme e Punës (CGT), pretendoi se kishin dalë 800,000 njerëz.

Përplasjet më të rënda u zhvilluan në Place de l’Opéra, ku policia tentoi t’i shpërndante me gaz lotsjellës.

Policia tha se kishte arrestuar 26 persona deri në orën 18:00, por kishte frikë për më shumë dhunë pasi ra nata.

Të enjten, policia ishte njoftuar për më shumë se 200 protesta në të gjithë Francën dhe po përgatitej për një pjesëmarrje massive, raporton The Guardian.