Protesta masive kundër Netanyahut në Izrael

Mijëra izraelitë të shtunën iu bashkuan disa tubimeve në të gjithë Izraelin për të protestuar ndaj planeve të diskutueshme të qeverisë për të ndryshuar sistemin gjyqësor.

Rreth 195,000 izraelitë morën pjesë në protestën kryesore që u zhvillua në Tel Aviv, ndërsa tubimeve në qytete të tjera izraelite iu bashkuan dhjetëra mijëra protestues.

Tubimet erdhën pasi ministri izraelit i Mbrojtjes Yoav Gallant herët të shtunën bëri thirrje për ndalimin e planeve të qeverisë për rregullimin e drejtësisë deri në muajin e ardhshëm për t’i dhënë hapësirë ​​bisedimeve mbi këtë çështje.

Gallant u bëri thirrje gjithashtu partive opozitare që të ndalojnë menjëherë mitingjet, raporton Anadolu.

Izraeli ka parë protesta masive në javët e fundit mbi planet e qeverisë së kryeministrit Benjamin Netanyahu për reformën në drejtësi, e parë nga opozita si një përpjekje për të tkurrur kompetencat e autoritetit gjyqësor në favor të ekzekutivit.