Prodhuesi gjerman i armëve ndërton një qendër mirëmbajtjeje në Rumani

Prodhuesi gjerman i armëve Rheinmetall ka krijuar një qendër në Rumani për mirëmbajtjen e tankeve të ofruara për Ukrainën nga aleatët perëndimorë.

Duke folur për shtypin gjerman, një zëdhënës i kompanisë tha të hënën se qendra është nisur në qytetin e Satu Mare pranë kufirit me Ukrainën, i cili do të funksionojë këtë muaj.

“Mirëmbajtja pritet të luajë një rol qendror në ruajtjen e sistemeve luftarake perëndimore të përdorura në Ukrainë dhe sigurimin e disponueshmërisë së mbështetjes logjistike“, citoi zëdhënësi raportet e mediave.

Qendra do të ofrojë gjithashtu shërbim për obusët vetëlëvizës, mjete luftarake të këmbësorisë Marder, mjete transporti të blinduara Fuchs dhe kamionë ushtarakë si dhe tanke Leopard 2 dhe Challenger.

Në qershor të vitit të kaluar, kompania nisi një strukturë të ngjashme në qytetin lituanez të Jonava për të ofruar mbështetje për automjetet e NATO-s në shtetet baltike.

Drejtori i Përgjithshëm i Rheinmetall, Armin Papperger, tha se është shumë e rëndësishme që Rheinmetall të ofrojë mbështetjen më të mirë të mundshme për forcat e NATO-s dhe Ukrainës, shkruan Anadolu.

Ndërkohë, duke folur në Rumani, kancelari gjerman Olaf Scholz përshëndeti vendimin e Rheinmetall.