Prodhuesi francez bën gati veturën elektrike me çmim të përballueshëm

Citroën do të futet në tregun e veturave elektrike me çmime të përballueshme duke sjellë në tetor një version të modelit C3, që kushton nën 25,000 euro në Francë.

ë-C3 do të jetë pjesë e një gamë më të madhe Citroën C3, duke përfshirë edhe modelet ICE.

Por, Citroën ka këmbëngulur që versioni i veturës elektrike do të bëhet oferta kryesore në gamën e saj B-hatchback dhe përfaqëson një përpjekje të guximshme nga grupi Stellantis për të filluar trajtimin e çështjes së veturave me bateri me çmime të përballueshme.

Deri më tani, prodhuesit evropianë janë përqendruar në vetura elektrike me vlerë të lartë, ndërsa prodhuesit kinezë bëjnë përparim të shpejtë me këto modele në shkallë më të madhe dhe me kosto të ulët për të cilat tregu do të ketë nevojë përfundimisht.

ë-C3 i ri, për të cilin Citroën tha se do të jetë “plotësisht i pajisur” si standard me pajisje të bukura si ajri i kondicionuar dhe dritaret elektrike, do të bazohet në një platformë që kompania pretendon se është “BEV-native”.

C3 i ri do të jetë identik në dimensionet e tij kryesore me ICE C3 aktual.

Për momentin, Citroën nuk ka dhënë detaje teknike, duke zbuluar vetëm se ë-C3 do të jetë rreth katër metra i gjatë, i rehatshëm dhe i përditësuar, dhe do të ketë një distancë lëvizje me një mbushje të baterisë prej më shumë se 299 kilometra.

Citroën ka theksuar rëndësinë e vazhdueshme të C3 për gamën e saj. Shitjet kanë arritur në 5.5 milionë që kur modeli u shfaq për herë të parë në 1993 dhe kompania po kërkon zgjerim në mbarë botën.