Prizreni 16 fitues i derbit lokal
Shqip
Prizreni 16 është fitues i derbit lokal ndaj Bashkimit.
Në një ndeshje me shumë emocione dhe “luftë” në parket, Prizreni 16 triumfuoi me rezultat të ngushtë 90-92.
Skuadra mysafire ishte më kërkuese qysh nga çereku i parë, përfundimi i të cilit tregoi në semafor 21-32.
Por, në dhjetë minuta e fundit të takimit loja ishte e baraspeshuar, prandaj epilogu përfundimtar ishte në vetëm dy pikë.
Madje, Bashkimi pati mundësi që ta barazojë rezultatin në fund të takimit, por në aksionin e fundit, Anton Kazarnoivski u tregua i pasaktë në tentim për të shënuar.
Basketbollistët më ta dalluar te fituesit ishin Urim Zenelaj me 17 pikë e 12 kërcime dhe Ivan Koljeviq me 24 pikë, pesë asistime dhe shtatë kërcime.
Në anën tjetër, te skuadra vendase u dalluan Lon Bunjaku me 22 pikë, shtatë kërcime dhe gjashtë asistime dhe Julian Lewis me 22 pikë, tetë kërcime dhe tetë asistime.
Pas kësaj fitore, Prizreni 16 gjendet në vendin e tretë në Superligë, kurse Bashkimi është një pozitë më poshtë./Shqip.com
