Pritje të gjata të mërgimtarëve për të dalë nga Kosova

Po vazhdon të ketë fluks të lartë në disa prej pikave kufitare të Kosovës, pasi mërgimtarët po kthehen në vendet ku jetojnë pas festave që kaluan në vendlindje.

Pika më e ngarkuar kufitare për të dalë nga Kosova është ajo në Merdarë, ku pritjet janë deri në dy orë.

Po ashtu edhe te Dheu i Bardhë pritjet janë mbi një orë, ndërsa në pikat e tjera nuk ka pritje më shumë se 10 minuta.

Ky raport është nga Qendra Kombëtare për Menaxhim Kufitar, i cili është publikuar në orën 10:00, ndërsa gjendja pritet të ndryshojë varësisht nga fluksi.