Printimi 3D, teknologji e re e Kinës për të ndërtuar habitate në Hënë

Kina do të eksplorojë duke përdorur teknologjinë e printimit 3D për të ndërtuar habitate në Hënë, raportoi të hënën gazeta zyrtare “China Daily”, ndërsa Pekini forcon planet për banim afatgjatë hënor.

Në misionin hënor kinez 2020, Chang’e 5, i quajtur sipas perëndeshës mitike kineze të hënës, një sondë pa ekuipazh mori përsëri në Tokë mostrat e para të tokës hënore të Kinës. Kina, e cila bëri uljen e saj të parë në Hënë në vitin 2013, planifikon të zbarkojë një astronaut në Hënë deri në vitin 2030.

Nga tani në atë kohë, Kina do të nisë misionet Chang’e 6, 7 dhe 8, me këtë të fundit të ngarkuar të kërkojë burime të ripërdorshme në Hënë për banim afatgjatë të njerëzve.

Sonda Chang’e 8 do të kryejë hetime në vend të mjedisit dhe përbërjes minerale, dhe gjithashtu do të përcaktojë nëse teknologji të tilla si printimi 3D mund të vendosen në sipërfaqen hënore, raportoi China Daily, duke cituar Wu Weiren, një shkencëtar në China National.

“Nëse dëshirojmë të qëndrojmë në Hënë për një kohë të gjatë, duhet të vendosim stacione duke përdorur materialet e vetë hënës“, tha Wu, raporton Reuters.

Kina dëshiron të fillojë ndërtimin e një baze hënore duke përdorur tokën nga Hëna në pesë vjet, raportuan mediat kineze në fillim të këtij muaji.

Një robot i ngarkuar me prodhimin e “tullave të tokës hënore” do të lëshohet gjatë misionit Chang’e 8 rreth vitit 2028, sipas një eksperti nga Akademia Kineze e Inxhinierisë.

Gara për të vendosur këmbën në Hënë është intensifikuar vitet e fundit, veçanërisht me Shtetet e Bashkuara të Amerikës.

Këtë muaj, NASA dhe agjencia hapësinore e Kanadasë emëruan katër astronautë për misionin Artemis II të planifikuar për në fund të vitit 2024, në atë që do të ishte fluturimi i parë njerëzor në Hënë në dekada.