Princ Harry zbulon se William e sulmoi fizikisht për shkak të Meghan Markle

Princi Harry pretendon në librin e tij të ri, “Spare”, se vëllai i madh Princi William e sulmoi fizikisht atë, sipas “The Guardian”.

Në një fragment të publikuar nga gazeta, Harry pretendon se William e quajti gruan e tij, Meghan Markle, “të pasjellshme” dhe “mizore” Ja si e përshkruan ai situatën:

“Gjithçka ndodhi kaq shpejt. Pra shumë shpejt. Më kapi për jake duke më shqyer varsen dhe më rrëzoi në dysheme. Rashë mbi tasin e qenit, i cili u thye nën shpinën time dhe copat më prenë. U shtriva për një moment, i trullosur, më pas u ngrita në këmbë dhe i thashë të dilte jashtë.”

Harry, pretendon se sherri i shkaktoi atij një dëmtim të dukshëm në shpinë. Përplasja me William, ndodhi në Nottingham Cottage pasi ai shprehu interes për të diskutuar mbi marrëdhënien e tyre.

Harry pretendon se William ishte “i nxehur” gjatë bisedës së tyre. Pasi debatuan duke mos i kursyer fyerjet, Harry shkruan se William i kërkoi t’i ndihmonte.

“E ke seriozisht? Më ndihmo? Na vjen keq – kështu e quani këtë? Ndihmë?” -i është përgjigjur Harry.

Ky koment, shkruan ai, zemëroi William, i cili më pas filloi të shante ndërsa po shkonte drejt tij. “Willy, unë nuk mund të flas me ty kur je kështu,” i tha Harry William, duke i ofruar atij një gotë ujë para se ai ta sulmonte.

Dy vëllezërit kanë pasur një marrëdhënie të turbullt që kur Harry dhe Markle u larguan nga detyrat e tyre mbretërore në vitin 2020 dhe u transferuan në Kaliforni.