Presidentja e Hungarisë, nesër viziton Kosovën
Publikuar:
(12.09.2022 18:58:48)
Presidentja e Hungarisë, Katalin Novák gjatë ditës së nesërme pritet të qëndrojë për vizitë në Kosovë me ftesë të presidentes së Kosovës, Vjosa Osmani.
Kjo është bërë e ditur përmes një njoftimi nga zyra e presidencës.
“Me ftesë të Presidentes së Republikës së Kosovës, Vjosa Osmani-Sadriu do të vijë për vizitë zyrtare Presidentja e Hungarisë, znj. Katalin Novák”, thuhet në njoftim.
Po ashtu është bërë e ditur, ceremonia e pritjes do të mbahet në sheshin “Ibrahim Rugova” ku do të pritet me gardën ceremoniale në orën 09:20.
Pas takimit Osmani e Katalin do të mbajnë një konferencë për media./Shqip.com