Pokeri gjeopolitik i Putinit – Luante me letra të dobëta dhe fitonte

Garry Kasparov, ish-kampioni botëror i shahut dhe aktivisti kundër regjimit të Putinit, ka dhënë një intervistë për revistën gjermane të lajmeve “Spiegel” në të cilën thotë se “çdo rus që jeton tani në Rusi është pjesë e makinës së luftës” dhe kërkon që ata që duan të qëndrojnë në anën e duhur të historisë duhet të largohen.

Siç raporton Spiegel, mjeshtri 59-vjeçar i shahut bën pohimin interesant duke deklaruar se Putin nuk ka luajtur kurrë shah, por vetëm poker dhe se ishte shumë i mirë në pokerin gjeopolitik.

“Ai shpesh luante me letra të këqija dhe fitonte, sepse kundërshtarët e tij binin në bllofin e tij”, thotë Kasparov.

Kasparov i thotë revistës se ka kaluar 20 vjet duke luftuar kundër Vladimir Putinit.

“Gjithmonë kam thënë se regjimi i tij do të bëhej në mënyrë të pashmangshme një kërcënim fashist – jo vetëm për Rusinë, jo vetëm për fqinjët e saj, por për të gjithë botën. Do të ishte mirë nëse disa njerëz të tjerë do ta kishin marrë për zemër këtë paralajmërim”.

Sipas Kasparovit rusët që duan të marrin azil diku tjetër duhet së pari të nënshkruajnë një deklaratë me tre pika në të cilën ata do të “shpallnin luftën kriminale, regjimin e Putinit të paligjshëm dhe Ukrainën të pandarë”./Shqip.com