Poe – poeti me shumë ndikim në historinë e poezisë
Edgar Allan Poe ishte një shkrimtar, poet, dhe kritik letrar amerikan, i njohur për poezinë dhe tregimet e tij të shkurtra.
Ai është i famshëm për misteret dhe ngjarjet e tmerrshme që krijon në shkrimet e tij.
Poe, bazohet kryesisht në tregime të shkurtra, poezi, të cilat kanë pasur shumë ndikim si në historinë e poezisë ashtu edhe në në letërsi.
Poezia dhe tregimet e shkurtra të Poe, kanë ndikuar shumë sidomos te simbolistët francezë të fundit të shekullit të XIX, të cilët nga ana e tyre ndryshuan drejtimin e letërsisë modern.
Charles Baudelaire, poeti francez që përktheu veprat e Poe, vuri në dukje poezinë e tij “Korbi” duke e cilësuar si me të vërtetë poemën e pagjumësisë së dëshpërimit, që nuk i mungon asgjë, as ethet e ideve, as dhuna e ngjyrave, as arsyetimi i sëmurë, as terrori nxitës, madje as lavdia e çuditshme e vuajtjeve që e bën atë më të tmerrshme.
Pjesë nga poezia “Korbi”
‘U çudita fort, pa masë
Kur dëgjova Korb të flas
Ndonëse ajo përgjigjie
S’ kishte as kuptim as lidhje;
Se asnjë s’ munt të më thotë
Që nonjë njeri në botë
Gjer tani ka parë shpendë
Mun mi derë t’ odës tij,
Shpend’ a shtazë mi statujë
Mun mi dere t’ odës tij,
T’ emëruar “Kurrë më.”
Te “Korbi”, ne shohim ideale filozofike e psikologjike si dhe torturë emocionale nga përsëritja ogurzezë e korbit “kurrë më”.