Pjesa e parë: Ballkani në avantazh ndaj Gjilanit
Në ndeshjen që po zhvillohet mes Gjilanit dhe Ballkanit – ka përfunduar pjesa e parë.
Rezultati aktual është 0-1.
“Xhebrailat” kaluan në avantazh qysh pa kaluar 30 sekonda nga sinjalizimi i Dardan Çakës.
Golin e gjetën përmes Ermal Krasniqit i cili goditi me kokë pas një krosimi nga Armend Thaçi.
Sulmuesi 23 vjeçar, gjindej në pozitë rreth 11 metra nga goli ku edhe e mposhti Enea Koliçin në këndin e tij të djathtë.
Skuadrat shkojnë në pushimin 15 minutësh mes pjesëve për t’u rikthyer më pas në të dytën për ta caktuar epilogun e takimit.
Kështu siç qëndrojnë punët, Ballkani ka 57 pikë në vendin e parë, kurse Gjilani 49 aq sa ka edhe rivali lokal Drita.
Ndeshje tjetër interesante po luhet edhe në Skënderaj aty ku Drenica pret Feronikelin e vendit të fundit.
“Derbi i Drenicës” nisi në ora 14:00 në “Bajram Aliu”.
Vendasit po arkëtojnë fitore me rezultat 2-0.
Shqip.com do ju mbajë të informuar – për të gjitha të rejat nga këto dy takime./Shqip.com