“Pirati e shpëtoi anijen nga fundosja”
Shqip
Kur “pirati” zbarkoi në Spanjë – e kishte një mision: ta shpëtojë anijen që po fundosej.
Dhe qëllimin e arriti.
Mallorca ka siguruar biletën për qëndrim në La Liga edhe për një sezon.
Në total, ky ekip grumbulloi 39 pikë dhe pozicionohet në vendin e 16-të.
Dhe një ndër më meritorët për këtë sukses ishte Vedat Muriqi.
Sulmuesi shqiptar u “rilind” në këtë ekip, ku u bë startues i padiskutueshëm.
Në 16-të ndeshje të zhvilluara, ai realizoi pesë gola dhe asistoi dy herë – duke dhënë shenja që po rikthehet në elementin e vjetër.
Por – shtatgjati ishte vetëm në formë huazimi te spanjollët, pasi kartonin e tij e ka Lazio.
E ardhmja e tij – mbetet ende e mjegullt pasi nuk dihet ende se ku do të luaj në sezonën e ardhshme.
Një rikthim në Turqi është raportuar, por vendimi i takon Vedatit./Shqip.com
