Piktura prej 23,8 milionë dollarësh e Bacon është bërë betejë politike në Britani

Një pikturë e artistit britanik Francis Bacon me vlerë prej 23.8 milionë dollarësh është bërë qendra e një beteje politike në Leicester, Angli.

Kjo pasi një politikan liberal-demokrat kritikoi mbajtjen e veprës nga Këshilli i Laburistëve të qytetit në një depo në bodrum.

Piktura e shtrirë e Bacon-it nr. 1 (1959) ishte parë në Muzeun Leicester dhe Galerinë e Arteve deri vonë. Këshilli Bashkiak, i cili zotëron veprën e artit, përmendi kufizimet e hapësirës si arsyen e heqjes së saj, raporton Artnews.

“Jam i sigurt se shumë njerëz do ta vizitonin Leicesterin vetëm për të ardhur dhe ta shikojnë atë. Duhet të jetë piktura më e vlefshme që kemi marrë në muze,” tha këshilltari Liberal Demokrat Nigel Porter.

“Në vend që kjo pikturë prej 20 milionë funte të mbërthehet në ndonjë bodrum, çfarë dëmi do të kishte ta ekspozonim dhe ta ktheje aty ku ishte?” pyeti ai.

“Ne kemi një koleksion jashtëzakonisht të madh të veprave të artit shumë të rëndësishme,” u përgjigj kryebashkiaku i Leicesterit, Peter Soulsby.

“Është e pashmangshme që, krahasuar me shkallën e koleksionit, ne kemi një sasi të kufizuar të hapësirës në mur për t’i varur ato.” Për më tepër, shpjegoi Soulsby, Figura e shtrirë nr. 1 “do të jetë e sigurt në ruajtje dhe do të shfaqet me kalimin e kohës.”

Piktura e madhe me vaj përshkruan një figurë të turbullt në qendër të shtrirë me kokë poshtë në atë që duket të jetë një divan jeshil, me këmbë të mbështetura pas një muri blu. Qyteti e bleu atë në vitin 1960 me ndihmën e Komisionit të Muzeve dhe Galerive dhe një Fondi të Grantit të Blerjes së Muzeut “Victoria & Albert”.

Që nga vdekja e artistit në vitin 1992, veprat e Bacon kanë marrë çmime të larta në ankand. Vetëm javën e kaluar, Studimi i tij për Portretin e Lucian Freud (1964) u shit në Sotheby’s për 52 milionë dollarë. Three Studies of Lucian Freud (1969) ende mban rekordin, me 127 milionë dollarë, nga një shitje e vitit 2014 në Christie’s.

Ky lajm vjen pas një vendimi të marrë në fillim të muajit të kaluar nga Muzeu i Britanisë së Madhe për t’i kthyer një arkiv të dhuruar të veprave të Bacon pronarit të tij Barry Joule, një ish fqinj i artistit të ndjerë.

Koleksioni, i cili ka qenë nën ekzaminimin e muzeut që nga viti 2004, përfshinte 800 copëza revistash dhe gazetash, 39 fotografi të Bacon dhe miqve të tij, efemera të tjera dhe një “X Album” me skica të pikturuara shumë.