Petkoviq: Perëndimi e kuptoi se është e nevojshme të bëhet presion mbi Prishtinën për të ndalur vendimet e çmendura të Kurtit

Drejtori i Zyrës për Kosovë, Petar Petkoviq, ka thënë se është e rëndësishme dhe domethënëse që bashkësia ndërkombëtare e ka kuptuar kërkesën e presidentit Vuçiq se është e nevojshme që Perëndimi të ushtrojë presionin e nevojshëm ndaj Prishtinës në mënyrë që të ndal vendimet e çmendura të Kurtit.

Më tutje ai është shprehur se Presidenti Vuçiq luftoi në Bruksel për të ruajtur paqen, për t’u lënë një të ardhme më të mirë fëmijëve tanë dhe jo një konflikt të ngrirë.

“Situata ishte shumë e tensionuar. Presidenti Vuçiq ishte i gatshëm për zgjidhje kompromisi. Ne nuk arritëm marrëveshje, sepse Kurti këmbëngulte gjatë gjithë kohës se ai ishte i interesuar vetëm për normalizimin e plotë të marrëdhënieve, që ka njohjen reciproke si pjesë qendrore e Këto janë dëshirat e tij dhe se nuk ekziston në dialog”, tha Petkoviq, raporton Kosovaonline.

Kur është fjala për bisedën me serbët nga Kosova, Petkoviq thotë se gjatë gjithë mbrëmjes dhe pas dy orësh mëngjesin e sotëm Vuçiqit ka pasur bisedime me popullin serb nga Kosova.

Shtetet e Bashkuara të Amerikës i kanë bërë thirrje Kosovës dhe Serbisë të bëjnë kompromis për të arritur një zgjidhje të negociuar.

Kështu është bërë e ditur nga ana e Ned Price- zëdhënës në Departamentin e Shteteve të Bashkuara të Amerikës.

“Shtetet e Bashkuara u bëjnë thirrje qeverive të Kosovës dhe Serbisë që të shmangin përshkallëzimin e mëtejshëm të tensioneve dhe të angazhohen në mënyrë konstruktive në dialog. Të dyja palët duhet të bëjnë kompromis për të arritur një zgjidhje të negociuar” ka shkruar Price në Twitter.

Gjatë mesnatës së mbrëmshme, SHBA-ja ka kërkuar nga Qeveria e Kosovës që të shtyhet për dy ditë afati për fillimin e dhënies së gjobave për automjete me targa ilegale.

Kjo kërkesë u pranua nga ana e kryeministrit të Kosovës, Albin Kurti. Kosova dhe Serbia gjatë takimit të së hënës nuk arritën të nënshkruajnë asnjë marrëveshje