Për 24 orë raportohen 10 raste të dhunës nga burrat ndaj grave në Kosovë
Shqip
Dhjetë raste të dhunës fizike janë raportuar në Polici gjatë 24 orëve të fundit.
Viktimë e dhunës del se janë gratë të cilat janë sulmuar fizikisht nga burrat.
Në rajonin e Prishtinës, gjashtë gra kanë raportuar se janë sulmuar fizikisht kryesisht nga bashkëshortët e tyre, derisa njëra është dhunuar fizikisht nga vjehrri i saj.
Në Prizren, janë raportuar dy raste, ku njëra prej tyre është dëbuar edhe nga shtëpia.
“Viktima femër kosovare ka raportuar se bashkëshorti i saj i dyshuari mashkull kosovar në vazhdimësi është duke ushtruar dhunë ndaj saj, ndërsa sot e ka dëbuar edhe nga shtëpia”, thuhet në njoftim.
Ndërsa, në Gjakovë dhe Vushtrri dhunuesit janë ende në arrati.
“Viktima femër kosovare, ka raportuar se bashkëshorti i saj i dyshuari mashkull kosovar ka ushtruar dhunë fizike ndaj saj. I dyshuari gjendet në arrati, rasti në procedurë hetimore”, thuhet në njoftim./Shqip.com
