Pefqeli rikthehet në kryeqytet
Publikuar:
(30.06.2022 20:21:55)
Fc Prishtina ka zyrtarizuar ish-futbollistin e tyre.
Mergim Pefqeli është prurja më e re e klubit bardhekaltër.
Lajmin e ka bërë të ditur vetë klubi përmes rrjeteve të tyre sociale.
Marrëveshja mes palëve përfshin dy vite kontratë që e mban futbollistin në “Fadil Vokrri” deri më 2024.
Pefqeli i bashkohet skuadrës së Ismet Munishit nga klubi i Malishevës, ku edhe dha kontribut të madh në mbijetesën e tyre në Superligë.
28-vjeçari ishte pjesë e Prishtinës edhe më herët, aty ku ka zhvilluar 75 paraqitje, me ç’rast ka shënuar 12 gola.
Po ashtu, mesfushori i krahut bëri karrierë edhe në klubet si Llapi, Trepça ’89, Hajvalia dhe Fushë Kosova. /Shqip.com