“Pasivizimi i shtetësisë serbe ndaj shqiptarëve në Serbi po vazhdon”

Raportuesja për Kosovën në Parlamentin Evropian, Viola von Cramon, tha se pasivizimi i shtetësisë serbe ndaj shqiptarëve në Serbi po vazhdon, transmeton Shqip.com.

Përmes një postimi në Twitter, Von Cramon pyeti se si dhe pse mund t’u hiqen qytetarëve të rëndomtë të drejtat e tyre themelore.

“Pasivizimi i shtetësisë serbe vazhdon, siç e shfaq qartazi kjo tabelë. Kjo ndodh në rajonin e banuar kryesisht me shqiptarë në jug të Serbisë. Si dhe pse mund t’u hiqen qytetarëve të rëndomtë të drejtat e tyre themelore”, shkroi Von Cramon.

Von Cramon këto deklarata i bëri duke përcjellur një postim të një përdoruese tjetër të rrjetit social, Flora Ferati-Sachsenmaier, e cila publikoi një tabelë ku shihej zvogëlimi i numrit të votuesve të regjistruar në Serbi në krahasim mes vitit 2012 dhe 2019 në disa vendbanime si: Gjylekreshtë, Kapit, Tupallë, Sijarinë, Sfircë, Rama Banjë, Stara Banjë dhe Gërbac./SHQIP.com

#Depassivisation of Serbian citizenship continues as this table clearly shows. This takes place in a predominantly Albanian-populated region in the South of #Serbia. How and why can ordinary citizens get ripped off their basic rights? @coe @OSCE_Serbia https://t.co/QYqUut3d2Y

— Viola von Cramon (@ViolavonCramon) December 20, 2021