Pas shkarkimit të kryeshefit të Ndërmarrjes “Pastrimi”, Zogaj: Ky është vetëm hapi i parë për përmisimin e gjendjes
Publikuar:
(08.07.2022 18:19:25)
Burim Kelemendi nuk do ta ushtrojë pozitën e kryeshefit ekzekutiv të kompanisë “Pastrimi” nga dita e sotme.
Lidhur më këtë, ka reaguar edhe nënkryetari i Komunës së Prishtinës, Alban Zogaj.
Zogaj ka thënë se ky është vetëm hapi i parë në përmisimin e gjendjes.
“Si rezultat i gjetjeve të shumta të Auditorit, por edhe gjendjes që të gjithë po e shohim çdo ditë, shkarkohet nga detyra Kryeshefi i Ndërmarrjes ‘Pastrimi’! Ky është vetëm hapi i parë në përmirësimin e gjendjes”, ka shkruar Zogaj.
Po ashtu gjatë ditës së sotme, përmes një postimi për media, kryetari i Komunës së Prishtinës, Përparim Rama ka njoftuar se Bordi i drejtorëve të kësaj kompanie ka konstatuar se kryeshefi nuk i ka realizuar objektivat e kompanisë./Shqip.com