Pas Peach, Kurti bisedon edhe me Chollet para takimit në Bruksel
Shqip
Kryeministri i Kosovës, Albin Kurti ka biseduar me këshilltarin e Departamentit të Shtetit Amerikan Derek Chollet.
Përmes një postimi në Twitter, Kurti ka thënë se qendër e bisedës së tyre ishte dialogu në mes Kosovës dhe Serbisë, si dhe njohja reciproke si marrëveshje mes dy vendeve.
“Telefonatë e frytshme me Derek Chollet për shumë çështje duke përfshirë dialogun me Serbinë, duke theksuar rëndësinë e një marrëveshjeje të përqendruar në njohjen reciproke. Ai përcolli përshëndetjet e Sekretarit Blinken pas takimit tonë të mrekullueshëm në DC muajin e kaluar”, shkroi Kurti.
Gjatë ditës së sotme, Kurti ka biseduar edhe me të dërguarin special për Ballkanin Perëndimor, Stuart Peach.
Edhe me Peach, Kurti e ka pasur bisedën e ngjashëm duke e pasur theks të veçant dialogun me Serbinë dhe njohjen reciproke si marrëveshje përfundimtare në mes dy vendeve.
Këto dy telefonata Kurti i ka realizuar sot para takimit ne Bruksel i cili është paraparë të mbahet me 18 gusht./Shqip.com
