Pas Messit, Inter Miami i synon edhe dy yje tjerë

Pas njoftimit për nënshkrimin e Lionel Messit, Inter Miami po kërkon më shumë përforcime në skuadër për këtë sezon. Sipas botimit të gazetës “Marca”, Angel Di María mund të jetë një tjetër argjentinas që do të jetë pjesë e skuadrës së Shteteve të Bashkuara. Një tjetër përforcim i madh pritet të jetë Sergio Busquets. Fakti që të dy janë afër Messit do të lehtësonte negociatat.

Për Di Marían, gazetari i specializuar për transferime Fabrizio Romano thotë se ka negociata në vazhdim, me mundësi marrëveshjeje, edhe pse Benfica është e interesuar për rikthimin e mesfushorit.

Messi, i cili mbush 36 vjeç më 24 qershor, i dha fund kontratës me Paris Saint-Germain pas dy sezonesh në futbollin francez. Sipas rrjetit britanik BBC, ai do të marrë një pagë vjetore prej 60 milionë euro (315 milionë R$ në kuotimin aktual) në Inter Miami.