Parlamenti Evropian i jep goditje Serbisë, kërkon ndaljen e negociatave për anëtarësim në BE

Parlamenti Evropian me njё rezolutё tё miratuar kёrkon qё mos të vazhdohet me procesin e negociatave për anёtarёsim me Serbinë, pёrderisa kjo e fundit nuk ka vendosur sanksione ndaj Rusisё.

Në kёtё rrafsh i bëhet thirrje Serbisё qё që të respektojë vlerat evropiane dhe të përshtatë politikën e saj të jashtme me atë të Bashkimit Evropian.

Me anё tё Rezolutёs sё miratuar eurodeputetët gjithashtu i bёjnё thirrje BE-sё qё tё vendos sanksione ndaj presidentit tё entitetit serb nё Bosnjё e Hercegovinё, Milorad Dodik pёr shkak tё, siç thuhet, veprimeve që rrezikojnë unitetin dhe integritetin territorial të Bosnjёs.

Pjesё e konsiderueshme e rezolutёs i kushtohet edhe ndikimit qё ka Rusia nё shtetet e Ballkanin Perëndimor. Pёrmendet nё kёtё rrafsh ndikimi negativ rus nё rajon qё ka pёr synim destabilizimin e Ballkanit Perendimor.

Gjithashtu, Parlamenti Evropian në rezolutёn e miratuar ka kёrkuar sёrish heqjen e regjimit tё vizave pёr qytetarët e Kosovёs, ndёrsa ka pёrshёndetur aplikimin e vendit pёr status kandidati nё Bashkimin Evropian.

Këtu mbështetet arritja e një marrëveshje mes Kosovës dhe Serbisë në kuadër të dialogut, përmes njohjes së ndërsjellë, ndёrsa nё tekst thuhet edhe se Pavarësia e Kosovës është e pakthyeshme. Njёkohёsisht kёrkohet nga pesëshja e mbetur evropiane qё tё njohё pavarёsinё e Kosovёs.

Rezoluta e Parlamentit Evropian ёshtё miratuar me 407 vota pro, 92 vota kundёr dhe 142 abstenime.

Ndonёse kanё simblikё politike, rezolutat e Parlamentit Evropian nuk janё ligjërisht obliguese pёr institucionet e BE-së e as pёr vendet anëtare.