Osmani udhëton për vizitë në shtetin e Vatikanit dhe Italisë
Presidentja e Kosovës, Vjosa Osmani së bashku me Ministren e Punëve të Jashtme dhe Diasporës, Donika Gërvalla kanë udhëtuar për vizitë në shtetin e Vatikanit dhe të Italisë.
Ato do të priten në audiencë nga Papa Françesku.
“Presidentja Osmani, së bashku me Zotërinë e Parë, z. Prindon Sadriu dhe Zëvendëskryeministren Donika Gërvalla do të pritet në audiencë nga Papa Françesku. Presidentja do të ketë takim edhe me sekretarin e Shtetit të Vatikanit, kardinalin Pietro Parolin si dhe do të realizohen edhe një sërë takimesh e aktivitete të tjera”, thuhet në njoftimin për media.
Ndërsa gjatë qëndrimit në Romë, Osmani do të pritet edhe nga Presidenti i Republikës Italiane, Sergio Mattarella, me të cilin do të diskutojnë për avancimin e bashkëpunimit bilateral si dhe rritjen e koordinimit për tejkalimin e sfidave aktuale të sigurisë në rajon dhe përtej.
/Shqip.com