Osmani takohet me delegatin apostolik të Selisë së Shenjtë për Kosovën
Shqip
Presidentja e Kosovës, Vjosa Osmani, ka pritur të martën në takim nuncin apostolik të Selisë së Shenjtë në Lubjanë, njëherësh delegat apostolik për Kosovën, monsinjor Jean Marie Speich.
Në takim u diskutuan mbi raportet e Republikës së Kosovës me Selinë e Shenjtë.
“Presidentja Osmani e falënderoi z. Speich për kujdesin që Vatikani ka treguar në vazhdimësi ndaj popullit të Kosovës”, thuhet në njoftimin për media të Presidencës.
Më tej, Osmani ka shprehur bindjen se raportet me Vatikanin mund të thellohen edhe më tej dhe gatishmërinë e institucioneve të vendit që të punojnë ngushtë me Selinë e Shenjtë për thellimin e mëtejmë të këtij bashkëpunimi.
“Në anën tjetër, monsinjor Jean Marie Speich e falënderoi presidenten Osmani për pritjen dhe shprehu gatishmërinë e tij dhe të Selisë së Shenjtë për vazhdimin e bashkëpunimit dhe thellimin e mëtejmë të tij”./SHQIP.com
