Osmani: Rekrutët e rinj të FSK-së po e jetësojnë çdo ditë e më tepër ëndrrën e brezave të tërë
Shqip
Presidentja e Kosovës, Vjosa Osmani ka marrë pjesë në ceremoninë e certifikimit të 257 rekrutëve të rijnë të cilët i janë bashkuar rradhëve të FSK-së.
E para e vendit ka thënë se rekrutët e rinj të FSK-së po e jetësojnë çdo ditë e më tepër ëndrrën e brezave të tërë.
‘’Sikurse dikur, djemtë e vajzat e UCK-së që bartën mbi supe idealet e lirisë sonë, sot ju mbi supet tuaja mbani idenë e mbrojtjes së lirisë, integritetit territorial dhe sovranitetit të Kosovës” ka thënë Osmani para rekrutërtëve të rijnë.
Osmani po ashtu ka shtuar se FSK-ja ka krijuar shanse të barabarta për të gjithë.
‘’Sot FSK-së po i shtohen edhe 257 rekrutë të rijnë që e dërgon numrin në 3 mijë ushtarë. FSK-ja ka krijuar mundësi të barabarta për të gjithë, për djemtë dhe vajzat e reja’’ ka thënë Osmani.
Po ashtu Osmani ka inkurajuar vajzat dhe gratë që të bëhen pjesë e FSK-së.
Osmani më tutje ka thënë se forcimi i kapaciteteve mbrojtëse të Kosovës është domosdoshmëri në kohën kur paqja globale po sfidohet çdo herë e më tepër e kur tendencat autoritariste po ngrenë krye./Shqip.com
