Lajme

Osmani bën nderime para arkivolit të Mbretëreshës Elizabeth II në Londër

Presidentja e Kosovës, Vjosa Osmani ka bërë nderimet e fundit ndaj Mbretëreshës së Mbretërisë së Bashkuar, Elizabeth II.

Përmes një njoftimi nga zyra e presidentes thuhet se Osmani ishte së bashku me burrin e saj, Prindon Sadriu ku edhe kanë bërë nderimet e tyre para arkivolit të mbretëreshës në Westminster Hall në Londër.

Ndërsa, Osmani në Twitter ka shkruar se ju bashkohet popullit të Mbretërisë së Bashkuar për të nderuar mbretëreshën e ndjerë e cila ishte e përkushtuar ndaj shërbimit.

“Sot i kemi bërë nderimet tona LS mbretëreshës së ndjerë  para arkivolit te saj të shtrirë në Westminster Hall në Londër. Ne u bashkohemi kolegëve të tjerë dhe popullit të  Mbretërisë së Bashkuar për të nderuar trashëgiminë e saj të një jete të tërë përkushtuar  ndaj shërbimit”, shkroi Osmani.

Osmani së bashku me bashkëshortin ishin ftuar të marrin pjesë në pritjen e organizuar nga Mbreti Chales III për krerë shtetesh dhe bashkëshortet e tyre nga mbarë bota që të jenë prezent në varrimin e mbretëreshës.

Mbretëresha Elizabeth II ndërroi jetë me 8 shtator ndërsa, varrimi i saj do të bëhet të hënën./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.58
  • Benzine: 1.34
  • Gas: 0.75
Sot : 24/09/2022