Nuk do të ketë masa të reja anti-COVID në Britani të Madhe para festave të Krishtlindjeve
Shqip
Kryeministri i Britanisë së Madhe, Boris Johnson ka njoftuar se qeveria e tij nuk do të prezantojë kufizime të reja për COVID-19 në Angli përpara Krishtlindjeve.
“Ne nuk mendojmë sot se ka prova të mjaftueshme për të justifikuar ndonjë masë më të ashpër përpara Krishtlindjeve,” tha ai të martën.
Ndërkohë, qindra protestues të së djathtës ekstreme u mblodhën në Bukuresht, Rumani të martën për të kundërshtuar një projekt-ligj që do të prezantonte një leje për COVID ose “çertifikata jeshile” në vendet e punës për të frenuar përhapjen e infeksioneve të COVID-19.
Dhjetra njerëz u futën me forcë në oborrin e ndërtesës së parlamentit dhe disa u përpoqën të hynin në ndërtesë, por u ndaluan nga policia e trazirave.
OBSH-ja ka thënë se varianti Omicron i COVID-19 po përhapet ‘dukshëm më shpejt’ se lloji Delta dhe po shkakton infeksione tek njerëzit tashmë të vaksinuar ose që janë shëruar nga COVID-19. /SHQIP.COM
