Nottingham Forest thyen rekordin e klubit për transferime, pas rikthimit në Premier League
Shqip
Nottingham Forest ka nënshkruar me sulmuesin nigerian, Taiwo Awoniyi, nga Union Berlin për një tarifë rekord për klubin prej 17.5 milionë funte.
24-vjeçari bashkohet me Forest nga klubi i Bundesligës në një marrëveshje pesëvjeçare dhe bëhet nënshkrimi i parë ndërkombëtar i skuadrës së sapo promovuar në Premier League këtë verë.
Awoniyi shënoi 20 gola në 43 ndeshje në të gjitha garat sezonin e kaluar.
15 golat e tij në 31 ndeshje të Bundesligës ndihmuan gjithashtu Union Berlin të siguronte vendin e pestë dhe kualifikimin për Ligën e Evropës për herë të parë që nga viti 2001/2002.
“Jam shumë i emocionuar që jam këtu në Nottingham Forest. Ka qenë gjithmonë ëndrra ime të luaj në Premier League dhe pasi kam folur me Steve Cooper për ambiciet tona dhe duke parë Forestin, me historinë e tij të madhe, është një klub në të cilin dua të jem pjesë”, tha Awoniyi pas lëvizjes së tij në The City Ground.
Awoniyi e filloi karrierën e tij profesionale në Liverpool, duke nënshkruar për klubin Merseyside në 2015 përpara se të huazohej në FSV Frankfurt, NEC, Mouscron, Gent dhe Mainz 05.
Welcome to Nottingham Forest, Taiwo Awoniyi. ✍️
— Nottingham Forest FC (@NFFC) June 25, 2022
Ai iu bashkua Union Berlin në formë huazimi gjatë sezonit 2020/21 dhe e bëri lëvizjen e përhershme korrikun e kaluar.
Duke përfaqësuar Nigerinë në nivelet U17, U20 dhe U23, Awoniyi fitoi të parën nga tre ndeshjet e tij për Nigerinë kundër Republikës së Afrikës Qendrore në tetor 2021 dhe shënoi golin e tij të parë kundër Sudanit në janar në Kupën e Kombeve të Afrikës./Shqip.com
