Sot një vit nga ardhja e Qeverisë Kurti

Sot është bërë një vjet që kur erdhi në krye të Qeverisë së Kosovës, Albin Kurti me Lëvizjen Vetëvendosje.

Qeveria që për kryeministër ka Albin Kurtin, sot shënon një vjetorin e qeverisjes.

Më 22 mars 2021 mori 67 vota për dhe 30 kundër.

Kreu i Lëvizjes Vetëvendosje, Albin Kurti, nuk ishte lejuar që të merrte pjesë në zgjedhje për shkak se kishte probleme me ligjin.

Gjykata Kushtetuese e Kosovës, më 21 dhjetor 2020 kishte rrëzuar Qeverinë Hoti me shumicë deputetësh nga radhët e LDK-së, duke bërë që vendi të shpallë zgjedhjet e reja jo më larg se 40 ditë nga dalja e vendimit të Kushtetueses.

Por, sipas vendimit të gjyktës, Albin Kurtit i ishte ndaluar kandidimin për deputet, bashkë me disa zyrtarë të tjerë të VV pasi ishin të dënuar me kusht për shkak të hedhjes së gazit në Parlament.

Partia e tij fitoi mbi 50 për qind të votave, duke ia mundësuar kështu që së bashku me votat e garantuara të deputetëve të pakicave ta formojë pa problem qeverinë Kurti 2.

Partia Demokratike e Kosovës ka 19 deputetë, Lidhja Demokratike e Kosovës 15 dhe Aleanca për Ardhmërinë e Kosovës ka tetë deputetë. 20  vende  të garantuara u takojnë pakicave, 10 nga  to vetëm për serbët e Kosovës.

Qeveria Kurti 2 ka 15 ministri, nga ta 8 anëtarë të Lëvizjes Vetëvendosje.

Zëvendëskryeministër i parë për Integrime Evropiane, Zhvillim dhe Dialog, Besnik Bislimi.

Zëvendëskryeministre e dytë dhe ministre e Punëve të Jashtme dhe Diasporës, Donika Gërvalla.

Zëvendëskryeministre e tretë për Çështje të Pakicatve dhe të Drejtave të Njeriut, Emilia Rexhepi.

Ministre e Drejtësisë, Albulena Haxhiu.

Ministër i Shëndetësisë është Rifat Latifi.

Ministre e Arsimi, Shkencës dhe Teknologjisë është Arbërie Nagavci.

Ministër i Kulturës, Rinisë dhe Sportit është Hajrulla Çeku.

Ministër i Administrimit Lokal është  Elbert Krasniqi.

Ministër i Mjedisit, Planifikimit Hapësinor dhe Infrastrukturës është Liburn Aliu.

Ministër i Bujqësisë, Pylltarisë dhe Zhvillimit Rural është Faton Peci.

Ministër i Mbrojtjes është Armend Mehaj.

Ministër i Punëve të Brendshme dhe Administratës Publike, Xhelal Sveçla.

Ministre e Industrisë, Ndërmarrësisë dhe Tregtisë, Rozeta Hajdari.

Ministre e Ekonomisë, Artane Rizvanolli.

Ministër për Komunitete dhe Kthim është Goran Rakiq.

Ministër për Zhvillimin Rajonal është Fikrim Damka./Shqip.com