Një person dyshohet se është vrarë në Dumnicë të Podujevës, Policia po e heton rastin

Një person dyshohet se është vrarë në fshatin Dumnicë të Podujevës.

Rastin e ka konfirmuar për Shqip.com,  zëdhënësja e Policisë për rajonin e Prishtinës, Flora Ahmeti.

“Sot rreth orës 18:00, kemi marrë informatën për një person të lënduar, në fshatin Dumnicë të Podujevës. Menjëherë pas marrjes së informatës në vendin e ngjarjes kanë dalë njësitet e nevojshme policore dhe ekipi mjekësor, të cilët kanë konstatuar vdekjen e viktimës”, tha Ahmeti.

Më tutje Ahmeti ka thënë se zyrtarët policorë, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë rast.