Një nga xhamitë më të vjetra në botë u zbulua në Izrael

Një ekip arkeologësh izraelitë zbuluan kohët e fundit një xhami të lashtë në vendbanimin beduin të Rahatit, në shkretëtirën Negev.

Arkeologët ishin në gjendje të datojnë xhaminë në shekullin XVII duke identifikuar vjetërsinë e qeramikës antike të vendosur brenda themeleve të saj. Xhamia mendohet të jetë 1200 vjeçare, raporton Artnews.

“Ajo që është unike në xhaminë tonë është përhapja e qeramikës së shekullit të VII në vend, duke e bërë atë një nga xhamitë më të hershme në botë,” tha arkeologia Dr. Elena Kogan-Zehavi.

Një xhami aty pranë, e gërmuar së fundmi mendohej se ishte ndërtuar në të njëjtën kohë, por objektet brenda ishin hequr, duke e bërë të vështirë datën. Në fakt, ka shumë struktura në zonë nga epoka bizantine, duke përfshirë struktura të krishtera, si manastiret dhe një fermë të krishterë.

“Islami erdhi shumë, shumë herët në Negev verior dhe filloi të jetojë së bashku me vendbanimin e krishterë”, tha Kogan-Zehavi.

Rahat është vendbanimi më i madh i përhershëm i beduinëve, të cilët Kogan-Zehavi tha se janë të etur për të mbrojtur këto vende të trashëgimisë kulturore.

Xhamitë e lashta me shumë gjasa janë ndërtuar nga muslimanë nomadë që u vendosën në këtë zonë përpara se të vendosnin të largoheshin, për arsye të panjohura.